क्याराभान खबर
मुगुको तिब्बत संग जोडिएको नाक्चेनाङला ब्यापारी नाका बन्दले जनजीवनमा प्रभाव परेको छ । कोरोना महामारी देखि बन्द भएको उक्त नाका अहिले सम्म नखुल्दा मुगुबासीलाई निराशा छाएको छ ।
मुगुको एक मात्र नाक्चेनाङला नाका खुल्ला नहुँदा मुगुबासी दुःखी देखिएका छन । यारी नाकामा ब्यापारी चहपहल बढन थालेको छ भने मुगुको नाक्चेनाङला करिव चार बर्ष देखि सुनसान अबस्था छ । नाका बन्दले बढी मारमा मुगुम कार्मारोङ गाउँपालिकाका स्थानीय छन ।
कोरोनाले गर्दा तिब्बत र मुगुम कार्मारोङको ब्यापारी साइनो टाढा हुदै गएको छ । नाका बन्द हुदा सिंङ्गो कार्मारोङ गाउँपालिकाका स्थानीय दैनिक खाद्य बस्तु देखि भेडाच्याङग्रा उन नुन आयात बाट पूर्णरुपमा बञ्चित छन ।
पहिले हरेक बर्ष तिब्बतले असार साउन नाक्चेनाङला नाका खुल्ला गर्दा कार्मारोङ गाउँपालिका भित्रका १७ वटा बस्तीका स्थानीय लर्को लागेर तिब्बतमा खँद्य बस्तु जान्थे । तीन बर्ष यता देखि उक्त अन्तरदेशीय ब्यापारी नाका सुनसान छ । कहिले खुल्ला नाक्चेनाङला मुगु गाउँका सोनाम तामाङले भने नाका नखुल्दा तिब्बत र हाम्रो ब्यापारी साइनो टाढा हुदै जाँदा चिन्तित भएर बस्नु परेको छ ।

लामो समय देखि उत्तरी नाका बन्द हुदा जडिबुटी देखि स्थानीय उत्पादन उचित मुल्यमा बेच्न नपाएको तेन्जिङगुरु तामाङले गुनासो गरे । पहिले कार्मारोङ गाउँपालिकाको बन क्षेत्रमा संकलन हुने अत्तिस, कटुकी, बनलसुन, यार्सा लगायत १८ प्राजितको जडिबुटी तिब्बतमा निर्यात हुने गथ्र्यो भने अहिले नाका बन्द हुदा उक्त जडिबुटी स्थानीयले गाउँ देखि घोडा खच्चर मार्फत बोकाएर गमगढी ल्याउने र त्यहाँ बाट गाडीमा राखेर नेपालगञ्ज हुदै भारत सम्म पु¥याएर बेच्नु पर्ने अबस्थाले गर्दा सास्ती भोग्नु परेको छ ।

उत्तरी नाका बन्दले कार्मारोङ गाउँपालिका बसोबास गर्ने स्थानीयलाई खाद्य बस्तु नुन तेल जुटाउन उत्तिकै सास्ती छ । पहिले तिब्बती हाटबजार बाट एक बर्ष सम्म पुग्ने गरि नुन, तेल, चामल, मैदा, चियापत्ती ध्यू ल्याएर उपभोग गर्न बानी परेका कार्मारोङका स्थानीयलाई अहिले सारै दुःख कष्ट गरेर दैनिक उपभोग्य बस्तु जुटाउनु पर्ने अबस्था छ

तिब्बती नाका बन्द हुदा हामीलाई अहिले सारै दुःख छ चितै गाउँकी याङजुम् तामाङले भनिन दुई दिन हिडेर गमगढी पुगेर नुन चामल तेल ल्याएर खानु परेको छ । सरकारले नाक्चेनाङला नाका खुलाउन पहल नगरेको उनले बताइन ।

लामो समय देखि तिब्बत नाका बन्द हुदा कार्मारोङ गाउँपालिकामा गरिवी बढदै गएको जनप्रतिनिधिको भनाई छ । पहिले गाउँको उत्पादन सिमि स्याउ उवा जडिबुटी चुली आरु नियालोको डोका तिब्बतमा लगेर बिक्री गथ्र्यौ किम्री गाउँ फोञ्जोक तामाङले भने अहिले उक्त समान गाउँमै खेर जान्छ ।

सस्तो मुल्यमा तिब्बती खाद्य बस्तु उपभोग गर्दा आएका कार्मारोङका स्थानीय अचेल नेपाली खाद्य बस्तु महँगोमा खान बँध्य छन । गमगढी देखि घोडा खच्चर मार्फत चामल नुन तेल ढुवानी गरि गाउँमा लैजानु पर्दा मुल्य भन्दा ढुवानी भाडाले ढाड सेक्ने गरेको स्थानीयको गुनासो छ । हुम्लाको यारी नाका खुल्यो भन्ने खबर सुन्दा हाम्रो नाक्चेनाङला नाका पनि चीनले खुलाई दिन्छ कि भन्ने आसा जागेको मुगुम कार्मारोङ गाउँपालिकाका अध्यक्ष छिरिङक्याप्ने लामाले सुनाए । नाक्चेनाङला बन्द हुदा गरिवी बृद्धि हुदै गएको पालिका अध्यक्षको भनाई छ ।
नेपाल सरकारले गमगढी नाक्चेनाङला सडक खन्न सुरु गरेको १२ बर्ष पुगेको छ । १२ बर्षको अबधि भित्र गमगढी देखि छाइलबजार सम्म १८ किमी मात्र ट्याक खोलिएको छ ।