क्याराभान खबर–मुगुको सोरु गाउँपालिका स्थित सोरुकोट पोग्री चौरमा स्कुल पढने बालबालिका फुटबलमा रमाउन गरेका छन ।
सोरुकोट, बन्जाहाँ, रोकायाबाडा र दलितबाडा गाउँका १० बर्ष भन्दा मुनिका कक्षा ५ देखि ८ सम्म पढने बिधार्थीहरु पोग्रीचौर पुगेर फुटबल खेलेर मज्जा लिने गरेका छन ।
शनिबार र अन्य बिदाको दिनमा थोत्रो फुटबल बोकेर गाउँका सबै केटाकेटीहरु १५ मिनेट टाढा पोग्री चौरमा जाने र ५० देखि १ सय रुपैयाँ बाजी थापेर फुटबल खेलमा रमाउने गरेका छन । वरपर ढुंगाको नेट बनाएर थोत्रो फुटबल हिर्काउदै केटाकेटी रमाउने गरेका छन । खेलमा रेफ्रि पनि राख्ने उक्त रेफ्रिले सिटी बजाएर गोल तथा बल आउट भएको जानकारी दिने गरेका छन ।

पोग्रीचौरमा गाई भैसी चराउन गएका गोठालाहरु बालबालिकाको फुटबल खेल देखेर खुशी हुने गरेका छन । गत बर्षको असार तेश्रो साता उक्त पोग्रीचौरमा सोरु गाउँपालिकाले आयोजना गरेको प्रथम उपाध्ययक्ष फुटबल गोल्डकपको आयोजना भएपछि सोरुकोट बस्ती भित्रका बालबालिकालाई फुटबलको मोहले छोएको छ
बिदाको दिन पोग्रीचौरमा आएर फुटबल खेलेर रमाउने गरेको दिनेश भण्डारीले सुनाए पोग्रीचौरमा कोही बालबालिका फुटबल खेल्ने कोही ताली बजाएर रमाइलो गर्ने गरेका छन
दुर्गम बस्तीका बालबालिका बिदाको समयमा पोग्री चौमा फुटबलमा रमाउने गरेको सोरुकोट गाउँका सन्तोष शाहीको भनाई छ । गत बर्षको प्रथम उपाध्यक्ष फुटबल गोल्डकपले केटीकेटीलाई फुटबल खेल खेल्न सिकाएको उनको भनाई छ ।