क्याराभान खबर  मुगु छिमेकी जिल्ला हुम्ला सर्केगाड र चंखेली गाउँपालिकाको सिमाना सरिसल्ला स्थित कर्णाली नदीमा बेलिब्रिज बनेपछि ३ सय ब्यापारी बिस्थापित भएका छन ।नेपाल सरकारले कर्णाली करिडोर सडक अन्त्रर्गत सरिसल्लामा बेलिब्रिज निर्माण गर्दा सवारी साधन सर्केगाड, रिप स्याल्तडा र चंखेली पिपलाङ सम्म चल्ने भएपछि चार बर्ष देखि अस्थायी जस्तापाताको टहरामा ब्यापार ब्याबसाय गर्दै आएका हुम्ला, मुगु, बाजुरा र जुम्लाका करिव ३ सय ब्यापारीहरु बिस्थापित भएका छन ।

सरिसल्लामा बेलिब्रिज बनेपछि अन्यत्र सर्नु पर्ने अबस्था आएको सोरु गाउँपालिका–४ फोतुका भिम प्रसाद देवकोटाले बताए । बेलिब्रिज नबन्दा सम्म जीप ट्रक यही रोकिन्थे राम्रो ब्यापार हुन्थ्यो बेलिब्रिज बनेपछि सबै सवारी साधान माथितिर जान थालेपछि ब्यापार शुन्य भएको उनले सुनाए । देवकोटाका अनुसार सबै ब्यापारी यहाँ बाट भाग्न थालि सके म पनि यो ठाउँ छोडेर माथि सर्केगाड तिर जाने तयारीमा छु ।
अझै दुई तीन बर्ष सम्म बेलिब्रिज नबनेको भए धेरै पैसा कमाइ हुन्थ्यो अर्का ब्यापारी नेर ताजा गाउँका हस्त शाहीले भने बेलिब्रिजले गर्दा हाम्रो जीवन निर्बाहको माध्यम सुक्यो । होटल पसलका जस्तापता उप्काउदै सरिसल्लाको कोही ब्यापारीहरु सर्केगाड, कोही रिप स्याल्तडी, कोही तुम्च, बालुकुना तर्फ जान थालेका छन ।

बेलिब्रिज नबन्दा सम्म कर्णाली करिडोरमा चल्ने मालवाहक सवारी साधनह देखि यात्रु बोक्ने जिप उक्त सरिसल्लामै रोकिने भएपछि बिभिन्न क्षेत्रका ब्यापारीहरु त्यहाँ पुगेर होटल पसल खुद्रा पसल हार्डवेयर पसल स्थापना गरेपछि हुम्ला, सर्केगाड, चंखेली र मुगु सोरु गाउँपालिकाका स्थानीय दैनिक उपभोग्य समान किन्न सरिसल्लामा भीड लाग्ने गथ्र्यो । अर्कोतिर तल्ला हुम्ला क्षेत्रका शिक्षक कर्मचारी स्थानीय सुर्खेत नेपालगञ्ज काठमाडौ जान सरिसल्ला पुगेर जिप चढेर आउजाउ गर्दै आएका थिए । चार बर्षको अन्तरालमा अस्थायी बजारले रुप लिएको सरिसल्ला क्षेत्र गत मंसिरदेखि सुनसान देखिएको छ । थालेको छ ।

सरिसल्लामा नेपाल सरकारले बेलिब्रिज निर्माण गरेपछि ब्यापारी बर्ग बिस्थापित भएको सर्केगाड गाउँपालिकाका अध्यक्ष ठानबहादुर रोकायाको भनाई छ । कर्णाली करिडोर छिटो सिमकोट जोडने सरकारले सरिसल्लामा बेलिब्रिज बनाएको उनको भनाई छ ।