मुगु–कर्णाली प्रदेको मुगु स्थित रारामा संचालन हुने प्रथम प्रदेशस्तरीय कवडी खेलका तयारी अन्तिम चरणमा पुगेको जिल्ला खेलकुद बिकास समितिले बताएको छ । यो खेलले राराको पर्यटन प्रर्बधनमा टेवा पुग्ने समेत आसा गरिएको छ । यही बैशाख २६ देखि २८ गते सम्म संचालन हुने प्रदेशस्तरीय कवडी खेलकुदको लागि फिल्ड निर्माण स्वागत गेट र होटल बुकिङ कार्य अन्तिम चरणमा पुगेको जिल्ला खेलकुद बिकास समितिका अध्यक्ष बीरेन्द्रबहादुर मल्लको भनाई छ ।

सोही खेलको लागि ६ ७ महिला र १० पुरुष गरि १७ टिम दर्ता भएको उनको भनाई छ । एक टिम बाट १० जना गरि १ सय ७० जना कवडी खेलाडीहरु सहभागी हुने भएका हुने र खेलमा २२ जना रेफ्रि रहने मल्लले बताए । कर्णाली प्रदेशको राजधानी सुर्खेतमा हुने दशौं राष्ट्रिय खेलकुदमा भाग लिनको लागि खेलाडी छनौट गर्न रारामा प्रदेशस्तरीय कवडी खेलको आयोजना गरिएको जिल्ला खेलकुद बिकास समितिका अध्यक्ष मल्लले जानकारी गराउनु भयो ।