मुगु–रारा क्षेत्रमा पलाष्टिकका सामाग्री लैजान निकुञ्जले प्रतिबन्ध लगाएको छ । रारा क्षेत्रको फोहोर नियन्त्रण गर्न निकुञ्ज पलाष्टिक मुक्त क्षेत्र बनाउने उदेश्यका साथ भ्रमणमा आउने पर्यटकलाई पलाष्टिकका कुनै पनि सामाग्री ल्याउन नपाइने निकुञ्जले निर्णय गरेको छ । रारामा आउने पर्यटकले पलाष्टिकका झोला बोतल पलाष्टिकमा प्याकिङ्ग गरेका खानेकुरा निकुञ्ज क्षेत्रमा फालेर जा“दा फोहोर देखिने भएकोले पलाष्टिक लाई प्रतिबन्ध गरिएको रारा राष्ट्रिय निकुञ्ज कार्यालय संरक्षण अधिकृत राजु घिमिरेले जानकारी दिए । रारा घुम्न आउने पर्यटकले कपाडाका झोला ल्याउन पाइने उनको भनाई छ । पलाष्टिक जन्य बस्तु निषेध गर्न गेटमा चेकजा“च गरेर पर्यटकलाई रारा घुम्न पठाउने ब्याबस्था गर्न लागिएको निकुञ्जले जनाएको छ । सिमित रारा घुम्न आउने पर्यटकलाई मात्र नभएर निकुञ्जमा कार्यरत कर्मचारी होटल ब्याबसायि नेपाली सेनालाई पनि पलाष्टिकका झोला प्याकेट गरिएका पलाष्टिक जन्य सामाग्री फाल्न नपाइने प्रतिबन्ध गरिएको छ । रारालाई सफा र सुन्दर बनाउन फोहोर ब्याबस्थापनको लागि डस्विनको ब्याबस्था गरिएको छ ।