मुगु—जिल्ला स्थित मुगुम कार्मारोङ गाउ“पालकाबासी कहिले खुल्ला हाम्रो उत्तरी नाक्चेनाङला ब्यापारी नाका भन्दै दिन कुरिहेका छन । छिमेकी राष्ट्र चीन संग जोडिएका नेपालका परम्परागत १४ नाका चीन खोल्ने तयारीको खबरले कार्मारोङबासीलाई आसा पलाएको छ । उक्त नाक्चेनाङला नाका पनि नेपालको १४ परम्परागत नाका भित्र पर्ने भएकोले खोल्न सम्भावना देखिएको छ ।कोरोना महामारी देखि उक्त नाका बन्द हुदा सिंङ्गो कार्मारोङ गाउँपालिकाका स्थानीय दैनिक उपभोग्य चामल नुन दाल तेल मैदा चिनी ध्यू जुटाउन मुश्किल भएको छ । पहिले हरेक बर्ष तिब्बतले असार साउन उत्तरी नाका नाक्चेनाङला खोल्दा कार्मारोङ गाउँपालिका भित्रका १७ वटा बस्तीका खँद्य बस्तु किनमेल तिब्बत जाने गर्थे भने अहिले नाका बन्द हुदा बञ्चित छन कहिले खुल्ला हाम्रो ब्यापारी नाक्चेनाङला मुगु गाउँका सोनाम तामाङले भने नाका नखुल्दा खाद्य बस्तु जोहो गर्न कठिन भयो ।लामो समय देखि उत्तरी नाका बन्द हुदा जडिबुटी देखि स्थानीय उत्पादन उचित मुल्यमा बेच्न नपाएको अर्का स्थानीय तेन्जिङगुरु तामाङले गुनासो पोखे । पहिले बन क्षेत्रमा संकलन हुने अत्तिस, कटुकी, बनलसुन, यार्सा लगायत जडिबुटी तिब्बतमा निर्यात हुने गथ्र्यो भने अहिले नाका बन्द हुदा जडिबुटी स्थानीयले गाउँ देखि घोडा खच्चर मार्फत बोकाएर गमगढी ल्याउने र त्यहाँ बाट गाडीमा राखेर नेपालगञ्ज हुदै भारत सम्म पु¥याएर बेच्नु पर्ने अबस्थाले गर्दा सास्ती भएको छ ।पहिले तिब्बती हाटबजार बाट एक बर्ष सम्म पुग्ने गरि नुन, तेल, चामल, मैदा, चियापत्ती ध्यू ल्याएर उपभोग गर्न बानी परेका कार्मारोङका स्थानीयलाई अहिले सारै दुःख कष्ट गरेर दैनिक उपभोग्य बस्तु जुटाउनु पर्ने अबस्था उत्पन्न भएको छ । तिब्बती नाका बन्द हुदा हामीलाई अहिले सारै दुःख छ चितै गाउँकी याङजुम् तामाङले भनिन दुई दिन हिडेर गमगढी पुगेर नुन चामल तेल ल्याएर खानु परेको छ करिव ४ बर्ष देखि बन्द भएको नाक्चेनाङला उत्तरी नाका अहिले खोल्छ होला मुगुम कार्मारोङ गाउ“पालिकाका अध्यक्ष छिरिङक्याप्ने लामाले बताए । नेपालका परम्परागत १४ नाका चीन खोल्ने भन्ने खबर सुनियो उनले भने उक्त १४ नाका भित्र मुगु नाक्चेनाङला उत्तरी नाका पनि पर्छ यो बर्ष बाट जसरी भएपनि चीनले हाम्रो उत्तरी नाका खोली दिनु पर्छ अध्यक्षको भनाई छ ।