डोल्पा सात हजार यार्सा संकलक पाटन प्रबेश एक करोड राजश्व संकलन
मुगु– कर्णाली प्रदेशको हिमाली जिल्ला डोल्पाका यो पटक ७ हजार ४ सय जना यार्सा टिप्न पाटन क्षेत्रमा प्रबेश गरेको र उनीहरु बाट १ करोड २५ लाख ८७ हजार ५ सय राजश्व असुली भएको शे–फोक्सुण्डो राष्ट्रिय निकुञ्जको कार्यालयले जानकारी दिएको छ ।गत बर्ष डोल्पाको पाटन क्षेत्रमा यार्सा टिप्न करिव ४ हजार यार्सा संकलकर्ता पाटन जा“दा तिनीहरु बाट ८५ लाख राजश्व संकलन भएको र यो पटक ७ हजार ४ सय जना यार्सा टिप्न पाटन जा“दा १ करोड २५ लाख ८७ हजार ५ सय राजश्व संकलन भएको शे–फोक्सुण्डो राष्ट्रिय निकुञ्ज कार्यालयका बरिष्ठ संरक्षण अधिकृतको भनाई छ ।
गत बर्षको तुलनमा यो पटक दोब्बर यार्सा संकलककर्ता पाटन प्रबेश गरेको राजश्व पनि गत बर्षको तुलनामा झण्डै ४१ लाख बढी उठेको उनको भनाई छ । यार्सा गुम्बा ब्याबस्थापन(संकलन तथा ओसार पसार) निर्देशीका २०७३ बमोजिम निकुञ्ज क्षेत्र भित्रका ब्यक्तिलाई प्रति ब्यक्ति ५ सय र निकुञ्ज भन्दा बाहिरका स्थानीयलाई प्रति ब्यक्ति २ हजार र डोल्पा जिल्ला भन्दा बाहिरका स्थानीयलाई प्रति ब्यक्ति ३ हजारका दरले प्रबेश शुल्क उठाएको बरिष्ठ संरक्षण अधिकृत श्रेष्ठको भनाई छ ।
कुल संकलन भएको राजश्व मध्ये ३० देखि ५० प्रतिशत रकम निकुञ्ज क्षेत्रको सामुदायिक बिकासमा खर्च गरिने ब्याबस्था उल्लेख गरिएको छ ।