मुगु –जिल्लाका चार वटा स्थानीयतह मध्ये तीन वटा गाउँपालिका अस्पताल बिहिन छन । स्थानीयतह संचालनमा आएको साढे ६ बर्ष सम्म पनि तीन पालिकाले अस्पताल संचालन गर्न नसक्दा स्थानीयलाई औषधि उपचारमा कठिनाई भएको छ । छायाँनाथ रारा नगरपालिकामा एक मात्र पन्ध्रशैया अस्पताल भएपनि सोरु, खत्याड र मुगुम कार्मारोङ गाउँपालिकामा अस्पताल नहुँदा जटिल प्रकारका बिरामीलाई औषधि उपचार समस्या छ ।
नेपाल सरकारले प्रत्येक स्थानीयतहमा १० शैयाको अस्पताल बनाउन निर्देशन जारी गरि शिलन्यास गरिएको उक्त अस्पताल संचालनमा नआउदा स्थानीयलाई उपचारमा कठिनाई भएको छ । सोरु गाउँपालिकामा तीन बर्ष अघि सिप तारापानीमा शिलन्यास गरिएको १० शैया अस्पताल अहिले सम्म संचालनमा आउन सकेको छैन ।अस्पताल निर्माणको लागि संघीय सरकार बाट ११ करोड बजेट बिनियोजन गरि निर्माण कार्य सुरु गरिएको भएपनि अहिले सम्म काम पुरा हुन सकेको छैन ।करिव १८ हजार जनसंख्या र ११ वटा वडा रहेको सोरु गाउँपालिकामा एउटा समेत अस्पताल नहुँदा बिरामीलाई डाक्टरको मुख देख्न गाह्रो भएको छ । गाउ“पालिकामा अस्पताल नहु“दा उपचार गर्न जिल्ला अस्पताल पुग्नु परेको उक्त गाउ“पालिका धनरुप बुढा बताए । भौगोलिक बिकट मानिएको मुगुम कार्मारोङ गाउँपालिकामा पनि अस्पताल बन्न सकेको छैन । उक्त गाउँपालिकामा पनि अस्पताल निर्माणको लागि संघीय सरकारले १० करोड बजेट निकासा दिएको भएपनि अस्पताल निर्माण कार्य अलपत्र छ । ९ वटा वडा र ६ हजार ६ सय जनसंख्या रहेको कार्मारोङ गाउँपालिकाले चार वर्षको अबधि सम्म एउटा अस्पताल बिस्तार गर्न नसक्दा बिरामीलाई उपचार गर्न मुश्किल भएको छ । गाउँपालिकामा स्वास्थ्य चौकी ५, आधारभूत स्वास्थ्य केन्द्र ४ र दुई वटा सामुदायिक स्वास्थ्य केन्द्र भएपनि अस्पताल नहुदा जटिल रोगको उपचार गर्न जिल्ला अस्पताल पुग्नु पर्ने अबस्था छ ।

खत्याड गाउँपालिकामा पनि अहिले सम्म एउटा अस्पताल बन्न सकेको छैन । जटिल रोगको उपचार गर्न त्यहाँका बिरामीहरु बाजुरा कोल्टी, जुम्ला कर्णाली प्रतिष्ठान र जिल्ला अस्पताल गमगढी पुग्न बाध्य छन ।गाउ“पालिकाले अहिले सम्म १० शैया अस्पताल संचालन नगर्दा बिरामीलाई औषधि उपचार गर्न गाह्रो भएको स्थानीय

सरकारले गाउँपालिकामा बनाउने भनेको १० शैया अस्पताल अहिले सम्म टुंगो लाग्न सकेको छैन । वडानं ११ र करिव २४ हजार जनसंख्या रहेको खत्याड गाउँपालिकाका स्थानीय अझै आधारभूत स्वास्थ्य सेवा बाट बञ्चित हुनु परेको छ । खत्याड गाउ“पालिकामा १० शैया अस्पताल संचालनमा ढिलाई हुदा बिरामीलाई औषधि उपचार गर्न गाह्रो भइरहेको वडाअध्यक्ष हेमराज मल्लले सुनाए ।
उक्त गाउँपालिका भरिमा प्राथमिक स्वास्थ्य केन्द्र १, आधारभूत स्वास्थ्य केन्द्र ४ र सामुदायिक स्वास्थ्य इकाई ५ वटा भएपनि बिरामीलाई उपचार गर्न पालिका बाहिर जानु पर्ने अबस्था छ । तीन गाउँपालिकामा अस्पताल नहुँदा घटना भई मृत्यू भएका ब्यक्तिलाई पोष्टमाटम गर्न जटिल समस्या हुने गरेको छ ।