काठमाडौँ — महा शिवरात्रिका लागि पशुपतिनाथ क्षेत्रमा यति बेला भक्तन साधुसन्तहरु आउने क्रम व्यापक हुन थालेपछि चहलपहल निकै बढेको छ । शिवरात्रिमा पशुपतिनाथको पूजाआजासँगै जोगी तथा बाबाहरु पनि पर्यटकहरुको आकर्षणको केन्द्रमा रहने गरेको छ । शिवारात्रिकै लागि भारतको बिभिन्न क्षेत्र सयौ बाबाहरु आइपुगेका छन ।पशुपतिमा हिजोआज बाबाहरुको निकै चहलपहल बृद्धि भएको छ । पशुपतिनाथको दर्शन पूजा गर्न बिहान सबेरैदेखि स्वदेशी तथा विदेशी भक्तजनहरुको भीड लाग्न थालेको छ । पशुपति क्षेत्र विकास कोषले पशुपतिनाथको पूजा आराधनाका लागि पुगेका भक्तजनहरुलाई व्यवस्थापनमा कमी हुन नदिने जानकारी दिएको छ । पुजाको लागि बिभिन्न क्षेत्र आउने भक्तजनहरुको निम्ति स्वागतद्धाराहरु झकिझाउन बनाइएको छ । सरसफाइको लागि पनि निकै ध्यान दिइएको छ । फुलमालालृ स्वागतद्धारहरु निकै आकर्षण देखिएका छन ।