मुगु —कर्णाली प्रदेश अन्त्रर् गत हिमाली मुगु जिल्लाका तीन स्थानीयतह एक महिना देखि प्रमुख प्रशासकिय अधिकृत बिहिन अबस्थामा छन । गत माघ दोस्रो सातादेखि ती ३ वटा स्थानीयतहमा प्रमुख प्रशासकीय अधिकृत विहीन हुदा स्थानीयको दैनिक कामकाज ठप्प भएको छ । मुगुको सोरु, खत्याड र छायानाथ रारा नगरपालिका प्रमुख प्रशासकीय अधिकृत विहीन हुदा सेवाप्रबाहमा जटिल समस्या उत्पन्न भएको छ ।संघीय मामिला तथा समान्य प्रशासन मन्त्राललले उक्त स्थानीयतहमा कामकाज गर्दै आएका प्रमुख प्रशासकिय अधिकृतलाई हटाएर सिनियर अधिकृत पठाउने निर्णय गरेपछि समस्या उत्पन्न भएको जनप्रतिनिधिको भनाई छ ।

एक महिना देखि प्रमुख प्रशासकिय अधिकृत नहँुदा कामकाज ठप्प भएको छायानाथ रारा नगरपालिकाका प्रमुख बिष्णु कुमार भामले बताउनु भयो । प्रमुख प्रशासकिय अधिकृत नहुदा सेवा प्रबाहमा बाधा उत्पन्न भएको उहाको भनाई छ । प्रमुख प्रशाुसकय अधिकृतको लागि नगरपालिका र सोरु गाउपालिकाका अध्यक्ष उपाध्यक्ष काठमाडौ संघीय मामिला मन्त्रालयमा धाउदै हैरान भएका छन । आउदो असार मसान्त सम्म पहिले कामकाज गर्दै आएका अधिकृतलाई नै खटाइ दिन उनहिरुको माग रहेको छ ।प्रशासकीय अधिकृत नभएकै कारण विकास निर्माणदेखि अन्य दैनिक कामकाजमा समस्या भएको जनप्रतिनिधिको गुनासो छ । अधिकांश योजना सम्झौता भई काम सम्पन्न भएको भए पनि प्रमुख प्रशासकिय अधिकृत नभएकै कारण रकम भुक्तानी गर्न समस्या भएकोछ ।गत पुस पहिलो हप्तामै कर्णाली प्रदेश सरकार अर्थ मन्त्रालय र ऊर्जा तथा जलस्रोत मन्त्रालयलगायत सङ्घीय मन्त्रालयबाट विनियोजित योजना गाउँपालिकाको कार्यालयमा सम्झौता भएका अधिकांश योजनाको काम सम्झौता भए पनि प्रमुख प्रशासकिय अधिकृत नभएकोले भुक्तानी प्रकृया रोकिएका छन ।