मुगु – मुगुको खत्याड क्याम्पसमा स्ववियु पदाधिकारी सर्बसम्मत चयन गरिएको छ ।चतुरदेव, हीरा, सुरेन्द्र, पूर्ण क्याम्पसमा मंगलबार उम्मेदवार मनोनयन दर्ता गर्दा नेविसंघ, अखिल क्रान्तिकारी र अनेरास्ववियुले समझदारिमा स्ववियु पदाधिकारी सर्बसम्मत चयन भएको नेबि संघ जिल्ला अध्यक्ष सोबिन्द्रबहादुर मल्लले बताउनु भयो ।  २०६४ सालमा स्थापना भएको  चतुरदेव, हीरा, सुरेन्द्र, पूर्ण क्याम्पसमा पहिलो चोटी नेबिसंघको नेतृत्वमा स्ववियु पदाधिकारी चयन भएको उहाको भनाई छ ।

उक्त स्ववियु पदाधिकारीहरुमा अध्यक्ष पदमा नेविसंघका धनचन्द्र कार्की,उपाध्यक्षमा अखिल क्रान्तिकारीका गणेश परिवार,सचिवमा अनेरास्ववियुका गोविन्द्र विटालु,कोषाध्यक्षमा अखिल क्रान्तिकारीका नर बहादुर रावत र सह सचिवमा ज्ञानुमाया कार्की सर्व सम्मत निर्वाचित भएका छन ।सदस्यमा नेविसंघबाट जानकी उपाध्याय,मनिसा कार्की,प्राप्ती रावत,सुमित्रा शाही,अखिल क्रान्तिकारीबाट नन्दादेवी विक, सुनिलकुमार शाही, विमला शाही र अनेरास्ववियुबाट सर्मिला कार्की, तारा डागर र गगन टमाटा सर्वसम्मत चयन भएको अधिकृत बसन्त डागरले जानकारी गराउनु भयो । सर्बसम्मत हिसवाले स्ववियु जस्तो गरिमामय पदमा अध्यक्ष चयन हुन पाउदा गौरव लागेको र   क्याम्पसमा बिधार्थीहरुको हकहित निम्ति लडने अध्यक्ष धनचन्द्र कार्कीको भनाई छ ।

अध्यक्षसहित ५ सदस्य नेविसंघ,उपाध्यक्ष,कोषाध्यक्ष सहित ५ सदस्य अखिल क्रान्तिकारी र सचिव,सह सचिव सहित ५ सदस्य अनेरास्ववियुले पाउने गरि समझदारीका साथ स्ववियु पदाधिकारी सर्बसम्मत चयन गरिएको भएको  नेविसंघ अध्यक्ष मल्लको भनाई छ । कसैको मनमुटाव र नभई क्याम्पसमा भातृसंगठनहरुको आपसी सहमति समझदारीले सर्बसम्मत स्ववियु पदाधिकारी चयन हुदा खुशी लागेको मल्लको भनाई रहेको छ । कर्णाली प्रदेशको हिमाली मुगुको खत्याडमा १ छायानाथ रारा नगरपालिकामा १ गरि कुल २ वटा क्याम्पसहरु मध्ये रारा क्याम्पस मध्यपश्चिम विश्वविद्यालय र चतुरदेव,हिरा,सुरेन्द्र,पुर्ण क्याम्पस त्रिभुवन विश्व विद्यालयबाट सम्वन्धन प्राप्त रहेको छ ।