काठमाडौ —सुर्यको उपासनाको महान पर्व छट आज देखि बिधिवत रुपमा प्रारम्भ भएको छ.  श्रद्धा र भक्तिपूर्वक मनाईने छठको प्रथम दिन ब्रतालुहरूले नदी वा पोखरीमा स्नान गरी अरवा–अर्बाइन भोजन ग्रहण गर्ने परम्परा छ ।सुख–समृद्धि, सन्तान प्राप्ति, रोग निदान र पारिवारिक कल्याणका लागि मनाइने यस पर्वको दोस्रो दिन भोलि खरना मनाईने छ ।छठको मुख्य तेस्रो दिन सोमबार सौझका अर्घको रूपमा मनाइन्छ ।

यस दिन साँझ अस्ताउँदो सूर्यलाई पूजा सामग्रीसहित जलाशय किनारमा अघ्र्य दिने चलन छ । अन्तिम दिन अर्थात मंगलबार बिहान उदाउँदो सूर्यलाई अर्घ दिएपछि विधिवत् रुपमा छठ पर्व समापन हुनेछ ।छठ पर्वमा बाँसको ढाकी, डगरी, माटोको कोसिया–कुरबार, हात्ती सहितका सामग्री लगायत ठकुवा, भुसुवा, केरा, खाजा, उखु, बेसार , अदुवा, भेन्टा, मुला, निबुवा , मिठाई तथा विभिन्न फलफूल प्रसादका रूपमा सूर्यदेवलाई अघ्र्य दिने गरिन्छ।मिथिला मधेशका बजारहरूमा अहिले पूजा सामग्री किनमेल गर्नेहरुको चहलपहल बढेको छ ।जनकपुरका गंगासागर, धनुषसागर, अंगराजसर, दशरथ तालव जस्ता ऐतिहासिक जलाशयहरू सिंगारिने क्रम जारी छ । मिथिलाञ्चल अहिले छठ गीतका मधुर स्वरले गुन्जायमान बनेका छन ।