मुगु— एनपिएल क्रिकेटको दोस्रो संस्करण आज बाट कीर्तिपुर त्रिभुवन विश्व विद्यालय क्रिकेट मैदानमा प्रारम्भ हुने भएको छ ।उक्त एनपिएल प्रतियोगिताको शुभारम्भ अपरान्ह २ बजे हुने छ भने पहिलो खेल ४ बजे खेलाइने छ । यही मङ्सिर २७ गतेसम्म सञ्चालन हुने एनपिएलमा लिग चरण, तीन वटा प्लेअफ र फाइनल सहित ३२ खेल हुने नेपाल क्रिकेट संघका अध्यक्ष चतुरबहादुर चन्दले जानकारी दिए ।

उद्घाटन खेलमा साविक विजेता जनकपुर बोल्ट्स र काठमाडौँ गोर्खाजबीच प्रतिस्पर्धा हुनेछ । रङ्गशालामा १० हजार जना अट्ने प्यारापिट निर्माण गरिएकोले दर्शकले सिट्मै बसेर प्रतियोगिता हेर्न पाउने भएका छन । फ्लड लाइटका कारण खेलहरू अन्य देशका रङ्गशाला सरह राति समेत सञ्चालन हुनेछन प्रतियोगिताका विजेता टोलीलाई पुरस्कारस्वरूप एक करोड १० लाख प्रदान गरिनेछ ।सोही प्रतियोगिताको उपविजेता टोलीले भने ५१ लाख प्राप्त गर्नेछ भने तेस्रो स्थान हासिल गर्ने ले २५ लाख तथा चौथो हुन ेले १५ लाख प्राप्त गर्नेछ । ९ हजार चार सय ५० टिकट बिक्री गर्ने जनाएको छ ।