मुगु —एनआरएनए, युएईका अध्यक्ष भीम मल्ल ठकुरीले दुबईमा अलपत्र परेका नेपालीहरुका लागि सेल्टरको ब्यवस्था गरेका छन । अध्यक्षमा चयन भए लगत्तै ठकुरीले दुबईमा विभिन्न कारणले अलपत्र नेपालीहरुका लागि खाना बस्न सहितको सुरक्षित सेल्टरको ब्यवस्था गरेका छन ।

दुबईमा विभिन्न कारणले अलपत्र हुने नेपालीहरुको संख्या बढ्दै गएपछि आफुले खान, बस्न सहितको सेल्टरको ब्यवस्था गरेको ठकुरीको भनाई छ । सेल्टरमा १० जना पुरुष र १० जना महिला राख्न मिल्ने गरी ब्यवस्था गरिएको उहाको भनाई छ । अध्यक्ष ठकुरीले भने म आफैको नीजि लागतमा अलपत्र परेका नेपालीका निम्ति कार्यकाल भरिका लागी सेल्टरको ब्यवस्था गरिएको छ । अध्यक्ष ठकुरीले बिगत १४ बर्षदेखि दुबईमा नेपाली समुदाय सितसेवा गर्दै आएका छन ।