काठमाडौ—कर्णाली प्रदेशको मुगु जिल्लामा पूर्व वनमन्त्री ऐनबहादुर शाही ठकुरीले आफनो कार्यकालमा जनताको दिर्घकालिन काम गर्न सक्षम भएका छन । निर्वाचनको बेला मतदाता संग गरेका बाचालाई मध्येनजर गरि आफु मन्त्री भएको बेला जनताको अति आबश्यक कामलाई पहिलो प्राथमिकता दिएर काम गरेको पाइएको छ । निर्वाचनको बेला भोट माग्न जादा गरेका बाचालाई पहिलो प्राथमिकता राखेर काम गरेको शाहीले बताए । म मन्त्री भएको बेला कसैको ब्यक्तिगत लाभ हुने काम गर्न सकियो या सकिएन तर जिल्लाको समग्र हित र सुबिधाको लागि अविष्मरणीय काम त गर्न सफल भएको उहाको भनाई छ ।
छायानाथ राष्ट्रिय निकुञ्ज स्थापना
मुगुम कार्मारोङ्ग गाउपालिका स्थित डोल्फू चितै, किम्री, कार्ति वाङग्र गाउ“का स्थानीयको दुःख कष्टलाई मध्येनजर गरि शाहीले कार्मारोङमा छुट्टै निकुञ्ज स्थापना गरेका छन । त्यहा“का स्थानीय डोल्पा शेफोक्सुण्डो राष्ट्रिय निकुञ्जमा सेवा लिन निकै कठिन अबस्था थियो । डोल्पा राष्ट्रिय निकुञ्ज पुग्न त्यहा“का स्थानीयलाई एक हप्ता भन्दा बढी समय लाग्ने र जान आउन कठिनले गर्दा सेवा सुबिधा बाट बञ्चित भएका स्थानीयको पिडा मर्का बुझेर शाही शे—फोक्सुण्डा संग जोडिएको मुगु भू भागलाई अलग बनाएर छुट्टै छायानाथ राष्ट्रिय निकुञ्ज स्थापना गर्न सफल भएका छन । कार्मारोङमा छायानाथ निकुञ्ज स्थापना हुदा स्थानीयको दुःख टरेको गाउ“मै सेवा प्रबाह गर्न सहज भएको पालिका अध्यक्ष छिरिङक्याप्ने लामाको भनाई छ ।
रारामा राष्ट्रिय प्रकृति संरक्षण कोष
मुगु उत्कष्ट पर्यटकिय गन्तब्य रारामा राष्ट्रिय प्रकृति संरक्षण कोषको शाखा स्थापना गर्न शाही सफल भएका छन । कर्णाली प्रदेशमै नभएको प्रकृति संरक्षणको कार्यालय रारामा स्थापना पर्यटन प्रर्बटन टेवा पुग्ने आसा गरिएको छ । अर्कोतिर प्रकृति संरक्षण कोषले मध्यवर्ती क्षेत्रका स्थानीयलाई आयआर्जन कार्यक्रम गर्न सक्ने स्वदेशी तथा बिदेशले रारामा बसेर वन्यजन्तुको अनुसन्धान गर्न सजिलो हुने उदेश्यका साथ रारामा राष्ट्रिय प्रकृति संरक्षण कोषको कार्यालय स्थापना हुदा जिल्लाबासीको लागि महत्वपूर्ण काम मानिएको छ ।
खत्याडमा इलाका प्रशासन
पूर्व वनमन्त्री शाहीले निर्बाचनको बेला खत्याडबासी समक्ष गरेका बाचा मध्ये अति महत्व आबश्यक इलाका प्रशासन कार्यालय पुरा गर्न सफल भएका छन । खत्याड गाउपालिका वडान १ देखि ११ सम्मका स्थानीय, कर्मचारी र जनप्रतिनिधिको माग अनुसार पूर्व मन्त्री शाहीको बिशेष पहलमा अब खत्याडमा इलाका प्रशासन कार्यालय स्थापना हुने भएको । उक्त इलाका प्रशासन कार्यालय स्थापनाको लागि अर्थ मन्त्रालयले जनशक्ति र श्रोतको सुनिश्चित गरि सकेको छ ।
खत्याडमा इलाका प्रशासन कार्यालय नहुदा स्थानीय नागरिकता बनाउन दुई दिन हिडेर गमगढी पुग्नु पर्ने अबस्था अब अन्त हुने भएको छ । खत्याडबासीलाई एउटा नागरिक बनाउन गमगढी आउदा दुई दिन पैदलको दुःख अर्कोतिर ५ देखि ६ हजार खर्च हुने गथ्र्यो भने अब पालिकामै नागरिक प्राप्त गर्न पाउने भएका छन । खत्याडबासीको लागि पूर्व मन्त्री शाहीको यो अविष्मरणीय काम हो ।
गमगढी रारा खत्याड जोडने सडक
गमगढी रारा माझघट्ट हुदै खत्याड निगाल बोट सम्म जोडने सडक निर्माणको काम पनि पूर्व वनमन्त्री शाहीले प्रकृया अघि बढाइ सकेका छन । निर्बाचनको बेला खत्याडमा भोट माग्न जादा स्थानीयले शाही समक्ष गमगढी रारा माझघट्ट हुदै निगाल बोट सम्म जोडने सडकको पहिलो माग राखेका थिए । मन्त्री भइ सकेपछि खत्याड गाउ“पालिकाका जनप्रतिनिधि नागरिक अगुवा र स्थानीयको पहिलो निखित माग नै इलाका प्रशासन र गमगढी रारा हुदै निगाल बोट जोडने सडकको प्रथम माग गरेका थिए । उक्त मागलाई पहिलो प्राथमिकता दिएर शाहीले प्रकृया अघि बढाए थिए । गमगढी रारा माझघट्ट हुदै निगाल बोट सम्म जोडने सडक निर्माणको लागि सडक बिभाग बाट प्राबिधिक टोली कार्य स्थलमा खटिएर सम्भाब्यता अध्यायन गरि फर्किएको छ । यो चालु आर्थिक बर्षमा उक्त सडक निर्माणको लागि ६ करोड बजेट समेत बिनियोजन भइ सकेको छ । उक्त सडक यो चालु आर्थिक बर्ष भित्र निर्माण कार्य अघि बढने भएको छ ।
संघीय जलश्रोत तथा सिचाई बिकास आयोजना
पूर्व वनमन्त्री शाहीकै बिशेष पहिलमा जिल्ला सदरमुकाम गमगढीमा संघीय जलश्रोत तथा सिचाई बिकास आयोजना स्थापना गरिएको छ । खेतीयोग्य जमिनलाई सिंचित गर्न र खेर गएको भू भागलाई अन्नबाली उत्पादन गर्न सिचाईको सुबिधा उपलब्ध गराउने उदेश्यले गमगढीमा संघीय जलश्रोत तथा सिचाई बिकास आयोजना स्थापना गरिएको छ । उक्त कार्यालयको कार्यक्षेत्र हुम्ला, जुम्ला, दैलेख, कालिकोट र मुगु रहने भएको छ । शाहीको पहिलमा गमगढीमा संघीय जलश्रोत तथा सिचाई बिकास आयोजना स्थापना हुदा जिल्लाबासीको निम्ति अविष्मरणीय काम देखिएको छ ।
गमगढी नाक्चेनाङला सडक बहुबर्षिय
पूर्व वनमन्त्री शाहीले गमगढी नाक्चेनाङला सडकलाई पनि भाग अलग बनाएर बहुबर्षिय आयोजना बनाएका छन । पहिले दैखेल कालिकोट महाबु हुदै गमगढी नाक्चेनाङला सडक रेखाङकन हुदा बिनियोजित बजेट तलै सकिने र गमगढी नाक्चेलाङला सडक निर्माण कार्य अलपत्र परेपछि शाहीले तलको भाग बाट अलग बनाएर गमगढी देखि नाक्चेनाङला सडक बहुबर्षिय बनाएर ८५ करोड बजेट बजेट बिनियोति गराएका छन ।
नगरमा एकिकृत शहरी बिकास कार्यक्रम
छायानाथ रारा नगरपालिका स्थित वडान—१ र २ मा एकिकृत छायानाथ रारा नगरपालिका एकिकृत शहरी बिकास आयोजना लागु भएको छ । उक्त कार्यक्रम पनि पूर्व वनमन्त्री शाहीकै पहल र कदम लागु भएको नगरपालिकाले जनाएको छ । शाहीको पहलमा संघीय शहर बिकास आयोजना जुम्ला बाट १८ करोड बजेट बिनियोजन गरि नगरपालिकामा लागु गरिएको छ । पूर्व वनमन्त्री शाहीकै पहलमा नगरपालिकाका एकिकृत शहरी बिकास आयोजना लागु भएको नगर प्रमुख बिष्णु कुमार भामले बताए ।