मुगु—जिल्ला स्थित छायानाथ रारा नगरपालिकाका प्रमुख बिष्णु कुमार भामले हिजो आफनो सामाजिक सञ्जालमा पोष्ट गर्दै लेखेका छन भोली शनिबार श्रमदान सार्बजनिक प्रतिक्षालय निर्माण पिना गमगढी सडक बोटुधारा । श्रमदान बाट सार्बजनिक प्रतिक्षालय निर्माणका लागि भामले नगरका सबै कर्मचारी जनप्रतिनिधिलाई अनुरोध गरेका छन
हप्ताको हरेक शनिबार नगर प्रमुख भामले कुनै न कुनै श्रमदान बाट जनताको हितको निम्ति सार्बजनिक बिकासका काम गर्दै आएका छन । श्रम गर्न सक्ने मान्छे कहिल्यै गरिव हुदैन भामको भनाई छ । बिकासका लागि पैसाको भर पर्नु पर्दैन मन भए पुग्छ भन्ने भावनाका साथ भामले नगरमा श्रमदान अभियान संचालन गर्दै आएका छन ।हप्ताको ६ दिन कार्यालय दैनिक सेवाग्राहीको दैनिक कामकाजमा ब्यक्त हुने र शनिबर बिदाको दिन आराम गर्ने बानी भामको पटक्कै छैन । कहिले शनिबर आउला र श्रमदान गर्न जाउला भनेर भामले सपना देख्ने गरेका छन शनिबार आउदा बित्तिकै औजार समातेर कुनै सार्बजनिक काम दौडिहाल्छन । म बाल्यकाल देखि गाउमा श्रमदान गर्दै आएको मान्छु हुन वडाअध्यक्ष हुदा पनि श्रमदान अभियान छोडिन अहिले मेयर हुदा पनि निरन्तरता दिइरहेको प्रमुख भामको भनाई छ ।
भामले भने यही माटोमा मेरो बाल्यकाल बित्यो, यहीँका चिसा खोलानाला, ताजा हावाले सधैँ जीवन र जिम्मेवारीको पाठ सिकायो । भाम भन्छन श्रम गर्न सक्ने मान्छे कहिल्यै गरिब हुँदैन । बाल्यकालदेखि नै म गाउँका सामुदायिक काममा जोडिन्थे भामले सुनाए ।कहिले नोरालो, कहिले सार्वजनिक धारा निर्माणमा ढुंगा बोक्थेँ, कहिले मठ–मन्दिर वरिपरि सरसफाइ गर्थें, कहिले गोरेटो बाटो खन्दै गाउँका मान्छेसँगै पसिना बगाउँथे उनको भनाई छ । मलाई सधैँ एउटा कुरा सिकाए– विकास भन्नाले ठुलाठुला भवन होइन, स–साना योगदान र सामूहिक श्रमको निरन्तरता हो भामले सुनाए ।

हामीले सफा नगर, सुन्दर नगर अभियान सुरु गर्यौ भामले भने एक मुख दश रुख अभियानबाट अहिले नगरपालिकाभित्र ५ हजार बिरुवा रोपेका छौ । २०७९ सालको स्थानीय तहको निर्वाचनमा विजयी भएर आज म नगरप्रमुखको जिम्मेवारीमा छु, तर त्यो श्रमको संस्कार अझै मेरो रगतमा बगिरहेको नगर प्रमुख बताउछन ।
नगर प्रमुख भामको श्रमदान अभियान जनता सामु बिकासको पहिचान बनेको छ । श्रमदान बाट पनि भामले बिकास गर्न सक्ने क्षमता छन भन्ने स्थानीयको बुझाई छ । श्रमदानले उनलाई जनता सामु बढी घुलमिल हुने ठूलो मध्यम पनि बनेको छ । नगर प्रमुख भामले श्रमदान बाटै पानीका धारा, सार्वजनिक शौचालय, सार्बजनिक प्रतिक्षालय, मठमन्दिर, बाटो, लगायत ७५ भन्दा बढी योजना निर्माण गरि सकेका छन ।