मुगु—जिल्ला स्थित पूर्बी क्षेत्रमा पर्ने मुगुम कार्मारोङ गाउँपालिकाको माथिल्लो बस्तीमा अत्याधिक जाडो बढेपछि करिव १ सय २० परिवारले गाउँ छोडेर बाहिरिएका छन । उक्त गाउँपालिकाको वडान–२ मुगु गाउँमा सिरसिर हावा संगै अत्याधिक जाडोले गाउँमा बस्न नसक्ने अबस्था आएपछि घरमा ताला लगाएर सम्पूर्ण स्थानीय बाहिरिएको गाउपालिका अध्यक्ष छिरिङक्याप्ने लामाले बताए ।

अध्यक्ष लामाका अनुसार गाउँको हेरचाहा र मालमसानको सुरक्षा गर्ने दुई तिन जना बाहेक अन्य सबै चौपाय बस्तु सहित कोही सिरानचौर, कोही, चितै तिहार बगर कोही गमगढी त कोही जुम्ला, नेपालगञ्ज काठमाडौं तर्फ लागेका छन ।
जाडोले गर्दा १ सय २० परिवारले गाउँ छोडेर बाहिरिए पछि सिंगो गाउ“ सुनसान बनेको अध्यक्षको भनाई छ ।

मंसिर पुस माघमा हिमपातले उक्त गाउ“ नै ढाक्ने गरेको छ । चिसोले पानीका धारा खोला नालामा बगर जम्ने गरेको छ ।जाडाले गर्दा मंसिरमा गाउँ छोडेका स्थानीयले गर्मी मौसम सुरुवात संगै चैत बैशाखमा घर फर्किने गरेका छन । मंसिर देखि चैत बैशाख महिना सम्म मुगु गाउँ मानव बिहिन जस्तै हुने गरेको छ । गाउ“मा मान्छे नभए पछि बन्यजन्तु गाउ“तिर आउने गरेका छन ।उक्त मुगु गाउँमा रहेको सिमा प्रहरी चौकीमा कार्यरत प्रहरी जवान पनि जाडो कटाउन तल पूलु प्रहरी चौकी तर्फ झरेका छन । तिब्बत सिमा क्षेत्र संग जोडिएको मुगु गाउ“को प्रहरी चौकी पनि जाडोले गर्दा अहिले खाली भएको छ ।समुद्री सतह देखि करिव ३३ सय मिटर उचाइमा रहेको मुगु गाउँका स्थानीय जाडो मौसममा ६ महिना बेशी र गर्मी मौसममा ६ महिना गाउँमै बस्ने गरेका छन । जाडोले बेशी झरेका मुगु गाउ“का स्थानीय गाउ“ नफर्किदा सम्म बिकास निर्माणका कामकाज प्रभावित हुने गरेको छ ।