मुगु —कांग्रेसले आज मदेश प्रदेशको राजधानी जनकपुरघाम बाट फागुन २१ हुने प्रतिनिधिसभा सदस्य निर्वाचनलाई लक्षित गरि चुनावी घोषणापत्र सार्वजनिक गर्न लागेको छ । मधेश केन्द्रित औपचारिक शक्ति प्रदर्शन सहित चुनावी घोषणापत्र सार्वजनिक गर्न लागेको कांग्रेसले जनाएको छ ।
मधेशका ८ वटै जिल्लामा नेता–कार्यकर्तालाई सक्रिय रूपमा परिचालन गरिने कांग्रेसले जनाएको छ । करिब एक लाख जनसहभागिता सुनिश्चित गर्ने लक्ष्यसहित कार्यक्रमको व्यवस्थापन गरिएको छ ।

सोही सभामा पार्टी सभापति गगन थापा  उपसभापति विश्वप्रकाश शर्मा लगायत शीर्ष  नेताहरूले सम्बोधन गर्ने कार्यक्रम रहेको छ ।  केन्द्रीय नेतृत्वको सहभागिताले मधेशमा कांग्रेसको चुनावी अभियानलाई थप गति दिने आसा अपेक्षा गरिएको छ ।घोषणापत्रमा रोजगारी सिर्जना, कृषि आधुनिकीकरण, सिँचाइ तथा भण्डारण पूर्वाधार विस्तार, शिक्षा–स्वास्थ्य सेवाको गुणस्तर सुधार, सडक तथा अन्य संरचना निर्माण, लगानीमैत्री वातावरण र सुशासन जस्ता विषयलाई मुख्य एजेन्डा बनाइएको छ ।