मुगु —स्वर्गीय राजा महेन्द्र बीर बिक्रम शाहले रारालाई स्वर्गकी अप्सरा संग तुलना गर्दै कविता लेखेका छन ।राराको मोहनी रुपले गर्दा उनको मन पग्लिएर रारालाई स्वर्गकी अप्सरा सित तुलना गरेका हुन । मौसम खुले संगै राराको रुप लोभ लाग्दो देखिएको छ । वरिवरि हरियाली जंगल बीचमा निलो ताल र माथि हिमालमा हिउँको घेराले राराको रुप चम्किएको छ । राराले बिहान दिउसो मध्यान्ह र साँझ गरि चार पटक राराले रुप फेर्ने गरेको छ । आकास फुलेको बेला बिहानीको मौसममा रारा असाध्य मनमोहक देखिने गरेको छ हिजोआज राराको किनार वरपर लालीगुराँस फुल फुलेर झन सुन्दर देखिने गरेको छ ।रारा लालीगुराँस संग बिभिन्न प्रजातिका फुल फुल्न थालेका छन । प्राकृति सुन्दरताले भरिपूर्ण रारामा बिभिन्न प्रजातिका चराहरुको आवाज पनि सुनिने गरेको छ ।चिसो मौसमा ताल भन्दा करिव १८ सय मिटर तल गहिराइमा गएका असला माछा पनि हिजोआज तालको छेउछाउमा आएर पर्यटकलाई जिस्क्याउने गरेका छन । तालको किनारै किनारमा असला माछाको बाक्लो समुह देखिन थालेपछि पर्यटकहरु  रमाउनेगरेका छन । राराको बन जंगल भित्र लेकाली काँफल र गुच्ची च्याउ टिप्न गाउँबस्ती बाट स्थानीय आउने गरेका छन ।समुद्री सतह देखि २९ सय २९ मिटर उचाइमा रहेको रारा घुम्न मौसम यति बेला उपयुक्त छन । रारा आउने हवाई र सडक गरि दुई वटा मार्ग छन ।