काठमाडौं– कर्णालीको उत्कृष्ट पर्यटकिय क्षेत्र रारमा घुम्न आउने पर्यटकको सुरक्षाका लागि नेपाल सरकारले पर्यटक प्रहरी राख्ने भएको छ। शुक्रबार पर्यटन विभागका निर्देशक लीलाधर अवस्थी र छायानाथ रारा नगरपालिकाका प्रमुख प्रशासकीय अधिकृत पशुपति शाही बीच सम्झौतामा हस्ताक्षर भएसँगै रारामा पर्यटक प्रहरीको ब्याबस्था हुने भएको छ ।

सम्झौतामा नेपाल सरकार संस्कृति, पर्यटन तथा नागरिक उड्डयन मन्त्रालय, पर्यटन विभागले पर्यटक प्रहरीको जनशक्ति, दरबन्दी र प्रहरी पोष्टको व्यवस्थापन गर्ने तथा नगरपालिकासँग सहकार्य र समन्वय गरि पर्यटकलाई कामकाजमा खटाउने सम्झौतामा उल्लेख गरिएको छ ।कर्णालीको प्रमुख पर्यटकियस्थल रारा नेपालको सबैभन्दा ठूलो र गहिरो तालको रुपमा चिनिने गरेको छ । कोणधारी घना जङ्गलको बीचमा रहेको यो रारा ताल भ्रमणमा आउजाउ गर्दा बन्यजन्तुको डरत्राुस लाग्ने गरेका् पर्यटकको गुनासो सुनिने गरेको छ । हरारामा पर्यटक आगमनमा बृद्धि हुने गएपछि सरकारले पहिलो पटक पर्यटक प्रहरी राख्ने निर्णय गरेको छ ।नेपाल सरकारले रारामा पर्यटक प्रहरीको ब्याबस्था गरेपछि घुम्न आउने आन्तरिक तथा बाह्य पर्यटकहरुलाई सुरक्षा हुने रारा राष्टिय निकुञ्जको कार्यालयले जनाएको छ । बिस २०३२ सालमा स्थापना भएको रारा राष्टिय निकुञ्ज क्षेत्रको सुरक्षाको लागि रारा हुटुमा नेपाली सेनाको गुल्म स्थापना गरि उक्त गुल्ममा करिव ३ सय जति नेपाली सेना कार्यरत छन ।