मुगु गमगढी क्षेत्रको आसपासमा गएराति बाट भइरहेको बर्षा फोटो सौजन्य पदमराज मल्ल वडाअध्यक्ष
मुगु—सुदुरपश्चिम तथा कर्णाली प्रदेशको हिमाली जिल्लाहरुमा हिमपात र बर्षा भएको छ । जल तथा मौसम बिज्ञान पुर्बानुमान महाशाखाले पनि हिमाली क्षेत्रमा बर्षा हिमपात हुने जानकारी दिएको छ ।मौसममा बदलिई भई कर्णालीको हिमाली जिल्ला मुगु, हुम्ला, जुम्ला, डोल्पा, र सुदुरपश्चिमको बाजुरा, बझाङ लगायत जिल्लाको उच्च हिमाली क्षेत्रमा हल्का हिमपात र बेशीतिर बर्षा भएपछि किसान उत्साहित भएका छन । लामो खडेरीले अन्नबाली रुख बिरुवा पनि सुक्दै जान थालेपछि चिन्तित देखिएका किसानहरु गएराति बाट बर्षा र हिमपात सुरु भएपछि खुशी देखिएका छन ।

मुगु जिल्लाको रारा, मुर्मा, मुन्दु, सोभा, र मुगुम कार्मारोङ गाउपालिकाको माथिल्लो क्षेत्र मुगु, डोल्फू, चितै लगायत बस्तीमा बर्षा र हल्का हिमपात भएको स्थानीयले बताएका छन । आज बिहानै बाट हिमपात र बर्षा हुन थालेको मुगु मुर्मा गाउका हरिबहादुर रोकायाले बताउनु भयो । खडेरीले चिन्तित भएका हामी एक्कासी बर्षा र हिमपात हुदा मनमा खुशी जागेको उहाको भनाई छ । पर्यटकिय क्षेत्र रारा आसपासको क्षेत्रमा हिउले सेताम्य देखिन थालेको छ ।बिगत बर्षहरुमा पुस देखि नै रारामा हिउले सेताम्य देखिने गथ्र्यो भने जलवायु परिर्वतनका कारण हिउ र बर्षा टाढिदै जान थालेपछि रारा क्षेत्रमा सुक्खा देखिन थालेको छ ।खडेरीले निराश बनाई रहेको अबस्था बर्षाले उत्साह बनायो छाया“नाथ रारा नगरपालिका—१ का वडाअध्यक्ष पदमराज मल्लको भनाई । राति बाट गमगढी आसपासको क्षेत्रमा ठूलो बर्षा भइरहेको उहा“को भनाई छ । हिमाली जिल्ला हुम्लाको सिमकोट बजार क्षेत्रमा हल्का हिमपात र बर्षा सुरु भएको छ । किसानको खेतबारीमा लगाएको जौ गहु पसलाउने बेला र बन क्षेत्रमा बोट बिरुवा पालुवा पलाउने फुल फुल्ने समयमा बर्षा हुदा सुबिकालको संकेत देखिएको किसानको भनाई छ । बर्षाले गर्दा बन क्षेत्र ओसिलो हरियो देखिन थालेको छ ।