मुगु–जिल्ला स्थित मुगम कार्मारोङ गाउपालिकामा पहिलो पटक एसइईको परिक्षा केन्द्र स्थापना गरिएको छ ।बिगत बर्षमा त्यहाका बिधार्थीहरु एसइईको परिक्षा दिन दुई दिन हिडेर जिल्ला सदरमुकाम गमगढी आउने गर्थे भने यो पटक देखि कार्मारोङ गाउपालिकामै रहेको नेपाल राष्ट्रिय आवासिय माध्यमिक बिद्यालय पुलुमा परिक्षा केन्द्र स्थापना गरेपछि एसइई दिने बिधार्थीलाई  एसइई दिने बिधाथीहरु खुशी भएका छन ।  बिधार्थीको दुःख कष्टलाई मध्येनजर गरि यो बर्ष देखि कार्मारोङ पालिका केन्द्रमा एसइइको परिक्षा केन्द्र स्थापना गरिएको पालिका अध्यक्ष छिरिङक्याम्पने लामाले बताउनु भयो ।

पहिलो पटक कार्मारोङमा एसइइको परिक्षा केन्द्र स्थापना भएको थाहा पाए पछि शिक्षक बिधार्थी खुशी भएको अध्यक्षको भनाई छ । आदिवासी जनजातिको बाहुल्यता रहेको कार्मारोडमा एसइइ परिक्षा केन्द्र स्थापनाले बिधाथीहरुमा उत्साह जागेको शिक्षकको भनाई छ । पहिले पिठीयूमा सामल कापी कितावको भारी बोकेर  एसइइ परिक्षा दिन गमगढी जानु पर्ने दुःख कष्टकै कारणले पनि पढाई छोडन बाध्य थिए ।यस बर्षको एसइई परीक्षा मुगु जिल्लाबाट ९४६ विद्यार्थीहरु सहभागी हुने भएका छन । शिक्षा विकास तथा समन्वय इकाई मुगुका निमित्त इकाइ प्रमुख खड्कराज भियालले दिएको जानकारी अनुसार यही चैत ७ देखि १९ गतेसम्म चल्ने एसईई परिक्षामा मुगु बाट ९सय ४६ जना विद्यार्थीहरु सहभागी हुने छन ।

परीक्षाका लागि चारवटा स्थानियतहका ८ वटा माध्यामिक विद्यार्थीलाई परीक्षा केन्द्र तोकिएको छ ।सोरु गाउँपालिकामा भवानी मावि पुरुमुरु, विजय मावि कालै, खत्याड गाउँपालिकामा कालिका मावि बुगा, लोकप्रिय मावि गम्था, महादेव मष्टा मावि रातापानी, छायानाथ रारा नगरपालिकामा महाकाली नमुना मावि गमगढी, कर्णाली मावि टोप्ला र मुगुम कार्मारोङ्ग गाउँपालिकामा नेपाल राष्ट्रिय आवासिय मावि पुलु रहेका छन् । सोरु बाट १ सय ९९ जना खत्याड बाट ४ सय ८ जना, छायानाथ रारा नगरपालिकाबाट २ सय ५९ जना र मुगम कार्मारोङ्ग बाट ८० जनाले यो वर्षको एसईई परीक्षामा सहभागी हुने शिक्षा विकास तथा समन्वय इकाई कार्यालयले जनाएको छ ।