मुगु—तीन महिनामा रारामा करिव २ हजार पर्यटकले रारा अवलोकन गरेका छन । साउन देखि असोज महिना सम्म रारा घुम्ने पर्यटकको संख्या २ हजार ३ सय ४७ पुगेको रारा राष्टिय निकुञ्जको कार्यालयले जनाएको छ । रारा घुम्न आएका उक्त पर्यटक मध्ये २७ जना बिदेशी पर्यटक रहेका छन । पर्यटक आगमन संगै रारामा चहलपहल बढेको छ रारा राष्टिय निकुञ्ज कार्यालयका रेन्जर रन रोकायाका अनुसार हिजोआज रारा घुम्न दैनिक ५० देखि १ सय ५० सम्म पर्यटक आउने गरेका छन सडक र हवाई मार्ग बाट आन्तरिक पर्यटक रारा पुग्ने गरेका छन । दसै र तिहारको बिदाको अवसर पारेर पर्यटकहरु रारा घुम्न आउने गरेका छन । रारामा पर्यटकको संख्यामा बृद्धि भएपछि होटल ब्याबसायि उत्साहित भएको स्थानीय देबिकृष्ण रोकायाले बताए । रारा घुम्न पर्यटकले माथि मुर्मा टप, चुचेमारा, चमेरा गुफा, महादेव मन्दिर, नीलिचौर, सल्यरी, छाप्रु महादेव लगायत आसपासका स्थान पनि अवलोकन गर्ने गरेको निकुञ्जले जनाएको छ ।