मुगु —कर्णाली प्रदेश सरकारका उद्योग, पर्यटन, वन तथा वातावरणमन्त्री सुरेश अधिकारीले कर्णालीलाई नेपालको मुख्य गन्तव्य बनाउने लक्ष्य राखेको बताएका छन ।जाउँ है बेगनास पोखरा प्रवर्द्धन कार्यक्रम’ लिएर सुर्खेत वीरेन्द्रनगर पुगेको होटल एण्ड रेस्टुरेण्ट एशोसियशन लेखनाथ पोखरा कास्कीको भ्रमण टोलीसँग भएको छलफलमा मन्त्री अधिकारीले पर्यटकिय हिसाबले कर्णाली र गण्डकी दुवै प्राकृतिक सुन्दरता संगै प्रचुर सम्भावना बोकेको बताए ।

पूर्वाधारका हिसाबले कर्णाली कमजोर छ तर धार्मिक, ऐतिहासिक र प्राकृतिक पर्यटनको प्रचुर सम्भावना छ ” मन्त्री अधिकारीले बेगनास पोखरा र कर्णालीको पर्यटन प्रवर्द्धन एवं विकासमा सहयोग पुग्ने गरी प्रचारात्मक कार्यमा जोड दिनुपर्ने जनाए ।कर्णाली प्रदेश पर्यटन बोर्ड सदस्य तथा व्यवसायी पदमबहादुर शाहीले व्यावसायिक दक्षता र राज्यले निर्माण गर्ने अनुकूल वातावरणबाट पर्यटन प्रवर्द्धन हुने बताए ।

उनका अनुसार पर्यटनले रोजगारी प्रदान गर्नुका साथै आर्यआर्जन तथा सरकारको राजस्व वृद्धिमा सहयोग पुग्छ ।होटेल तथा रेष्टुरेण्ट एशोसियशन लेखनाथ पोखरा कास्कीका अध्यक्ष वीरभद्र कँडेलले पोखरा भ्रमण वर्ष २०२५ रहेर गरिएको भ्रमण अवलोकनले कर्णाली र बेगनासको सम्बन्ध विकास र पर्यटन प्रवर्द्धनमा सहयोग पुग्ने बताए । उनका अनुसार एशोसियशनको आयोजनामा यतिबेला बुटवल, बर्दिया र सुर्खेतको भ्रमण अवलोकन गरेका छन ।