मुगु —हिमाली जिल्ला मुगु उत्तरी भेगमा पर्ने मुगुम कार्मारोङ गाउँपालिकाको दुई सामुदायिक विद्यालयमा पढने १ सय ९० विद्यार्थीलाई निशुल्क स्टेशनरी सामग्री उपलब्ध गराइएको छ । अक्कल कोपिला फाउन्डेसनको आर्थिक सहयोगमा १ सय ९० जना विद्यार्थीलाई शैक्षिक सामग्री बितरण गरिएको छ । उक्त गाउपालिकाको नेपाल राष्ट्रिय आधारभूत विद्यालय, पापुका ८५ विद्यार्थी तथा नेपाल राष्ट्रिय आधारभूत विद्यालय, छाइलका १ सय ५ जना विद्यार्थीलाई ५ कापी सहित डट–पेन, पेन्सिल, कटर र इरेजर प्रदान गरिएको अक्कल कोपिला फाउन्डेसनले जनाएको छ ।दुर्गम भेगका विद्यार्थीको पढाइमा सजिलो हो भन्ने हेतुले निशुल्क शैक्षिक सामाग्री वितरण गरेको अक्कल कोपिला फाउन्डेसन जानकारी दिएको छ ।