मुगु—कर्णाली प्रदेशकै उत्कृष्ट रमणीय पर्यटकिय गन्तव्य मुगुको रारा ताल भ्रमण गर्ने आन्तरिक तथा बाह्य पर्यटक संख्या उल्लेखनिय रुपमा वृद्धि भएको हो । रारा राष्ट्रिय निकुञ्ज कार्यालयको बिगत ७ वर्ष यताको तथ्याङ्क बमोजिम रारा भ्रमण गर्ने आन्तरिक तथा बाह्य पर्यटकको संख्या ९४ हजार २ सय ४८ रहेको छ ।गत आर्थिक वर्ष २०८१÷०८२ मा सबैभन्दा बढी पर्यटकले रारा भ्रमण गरेका छन । आर्थिक वर्ष २०७५÷०७६ देखि २०८२÷०८३ को असोज समान्त सम्म रारा भ्रमण गर्ने पर्यटकको संख्या ९४ हजार २ सय ४८ जना रहेका छन ।यो तथ्याङ्ग ६ बर्षको हो । जस अन्त्रर्गत आर्थिक बर्ष २०८१÷०८२ मा १९ हजार ४ सय ४७ जना पर्यटक रारा भ्रमण गरेका छन ।
उक्त भ्रमण गर्ने आन्तरिक पर्यटक १९ हजार ९४,सार्क राष्ट्रका ७७ जना र विदेशका २७६ जना गरी १९ हजार बढी पर्यटक रारा पुगेको रारा राष्ट्रिय निकुञ्जका बरिष्ठ संरक्षण अधिकृत महेश न्यौपानेले जानकारी दिए ।निकुञ्ज बरिष्ठ संरक्षण अधिकृत न्यौपानेका अनुसार आर्थिक वर्ष २०७५÷०७६ मा ११ हजार ७७१ जना, आर्थिक बर्ष २०७६÷०७७ मा ९ हजार ८ सय ७१ जना, आर्थिक बर्ष २०७७÷०७८ मा १० हजार ३ सय १७ जना, आ.व. २०७८÷०७९ मा ११ हजार ५ सय ५० जना आन्तरिक तथा बिदेशी पर्यटकले रारा भ्रमण गरेका छन ।
त्यसै गरि आर्थिक बर्ष .२०७९÷०८० मा ११ हजार ६ सय ४८ र आर्थिक २०८०÷०८१ मा १७ हजार २ सय ९७ जना पर्यटक रारा भ्रमण गर्न आएको उनको भनाई छ । त्यसै गरि आर्थिक बर्ष २०८२⁄२०८३ को साउन देखि असोज समान्त सम्म हजार ३ सय पर्यटकले रारा भ्रमण गरेका छन ।सडक मार्ग सहज हुदै गएपछि रारा घुम्ने पर्यटकको संख्या पनि बढन थालेको छ । हवाई मार्ग भन्दा सडक मार्ग भएर बढी पर्यटक रारा आउने गरेका छन । काठमाडौ, नेपालगञ्ज, सुर्खेत दैलेख, कालिकोट र जुम्ला सिंजा हुदै आन्तरिक पर्यटक रारा पुग्ने गरेका छन ।
काठमाडौ, नेपालगञ्ज, पोखरा, बिराटनगर सुर्खेत लगायत शहर देखि नै जीप गाडी मोटर साइकल चढेर आन्तरिक पर्यटक रारा आउने गरेको निकुञ्ज कार्यालयले जनाएको छ रारा राष्ट्रिय निकुञ्जले दिएको जानकारी अनुसार ७ वर्ष यता २ करोड बढी राजश्व असुली भएको छ ।केही पर्यटक नेपालगञ्ज देखि हवाई मार्ग हुदै रारा पुग्ने गरेका छन । हिउद हिउ खेल्न पनि पर्यटक रारा पुग्ने गरेका छन ।
रारामा पर्यटक आगमनको बृद्धिले होटल ब्याबसायि घोडा चालक ढुंगा चालक उत्साहित भएकोे पर्यटन ब्याबसायि राजु कार्कीको भनाई छ । पर्यटक आगमनले स्थानीय आफनो उत्पादन सिमि आलु फापर कुखुरा बिक्री गर्न पाएको उनको भनाई छ ।