सुर्खेत —कर्णाली प्रदेशका पूर्वमुख्यमन्त्री कर्णाली प्रदेशका राजकुमार शर्मा प्रदेश सभा सदस्य पदबाट पदमुक्त भएका छन् । उनी पछिल्लो समय प्रगतिशील लोकतान्त्रिक पार्टी (प्रलोपा) मा आबद्ध भएपछि नेपाली कम्युनिस्ट पार्टी (नेकपा) ले साधारण सदस्यसमेत नरहने गरी निष्कासन गरेको थियो ।

नेकपाले निष्कासनको जानकारी प्रदेश सभालाई गराएपछि प्रदेश सभा सचिवालयले बुधबार सूचना जारी गर्दै उनको सांसद पद स्वतः समाप्त भएको जनाएको हो । राजनीतिक दल सम्बन्धी ऐन, २०७३ अनुसार निर्वाचित दलले निष्कासन गरेपछि पद कायम रहँदैन । शर्मा २०७९ सालको निर्वाचनमा नेकपा (माओवादी केन्द्र)बाट रुकुम (पश्चिम)–१ ‘ख’ बाट निर्वाचित भएका थिए ।