काठमाडौ —उपसभामुख रुबीकुमारी ठाकुरले जेनजी सहिद दिवसका अवसरमा आन्दोलनका क्रममा ज्यान गुमाएका सहिदहरूप्रति श्रद्धाञ्जली अर्पण गर्दै उनीहरूले देखेको सपना पूरा गर्नुपर्ने बताएकी छन ।
जेनजी सहिद दिवसको अवसरमा आफनो सामाजिक सञ्जाल मार्फत शुभकामना व्यक्त गर्दै ठाकुरले सुशासन, न्याय, समानता, स्वतन्त्रता, रोजगारी र भ्रष्टाचारमुक्त शासन व्यवस्थाका लागि युवाहरूले गरेको बलिदानलाई सम्मान गर्नुपर्ने धारणा उल्लेख गरेकी छन ।
जेनजी पुस्ताले उठाएको आवाज कुनै एउटा पुस्ताको सीमित माग नभई देशमा विद्यमान बेथिति, अन्याय, भ्रष्टाचार र निराशाविरुद्ध परिवर्तनको आवाज हो। आन्दोलनमा सहभागी भएर साहस र त्याग प्रदर्शन गर्ने सहिदहरूको योगदान नेपाली इतिहासमा सधैँ सम्मानका साथ स्मरण गरिने उपसभामुख ठाकुरले बताएकी छन्।
उपसभामुख ठाकुरले देशमा सुशासन, न्याय, समानता, स्वतन्त्रता, रोजगारी, भ्रष्टाचारमुक्त शासन व्यवस्था र उज्ज्वल भविष्यको अपेक्षासहित आफ्नो अमूल्य जीवन बलिदान गर्ने सम्पूर्ण जेनजी सहिदप्रति श्रद्धाञ्जली अर्पण गर्नु भएको छ ।