मुगु-मुगु र हुम्ला जोड्नका लागि निर्माण गरिएको पिपलमुडाको बेलीब्रीज सञ्चालनमा नआउदा स्थानीयलाई समस्या भएको छ । निर्माण कार्य पुरा भएपनि सोरु गाउपालिकाले सम्झौता बमोजिमको बजेटभुक्तानी नहुदा बेलीब्रीज संचालनमा ल्याउन नसकिएका रबि चक्र निर्माण सेवाका बखतबहादुर मल्लको भनाई छ । बि. स २०७८ साल असार २७ गतेका दिन सोरु गाउँपालिका र रबि चक्र निर्माण सेवाबिच बेलीब्रीज निर्माणका लागि ४ करोड ५१ लाख २ हजार ७ सय सम्झौता गरि निर्माण कार्य गरिएको हो ।

सोरु गाउँपालिकाले २ करोड मात्र भुक्तानी पाएको र बाकी रकम पाउने अनिश्चित भएपछि कम्पनीले बेलीब्रिज संचालन गर्न सकेको छैन । सम्झौता अनुसार २ करोड मात्र पालिकाले भुक्तानी दिएको र बाकी रकम नपाएपछि बेलिब्रिज संचालन गर्न नसकिएको मल्लले भने बेलिब्रिज निर्माण कार्य पुरा भइसक्यो । निर्माण सेवाका प्रतिनिधिहरुले जुनसुकै कुरा भनेपनि आफुहरुले सोही अनुसारको रकम बर्सेनी भुक्तानी गरी रहेको पालिका अध्यक्ष धर्मबहादुर शाहीको भनाई छ । बेलिब्रिज केही समय भित्र उदघाटन गरि तत्काल संचालनमा ल्याउन तयारी अघि बढाइएको अध्यक्षको भनाई छ । पिपलमुढा बेलिब्रिज निर्माणले हुम्ला र मुगुका नागरिकहरु सडक सञ्जालमा जोडिने भएका छन । कर्णाली करिडोरमा जोडिएको उक्त पुल सञ्चालनमा आएपछि पर्यटकलाई रारा घुम्न सहज हुने भएको छ । सोरु गाउपालिका भित्रको स्थानीय उत्पादनले पनि बजार पाउने भएको छ ।