मुगु—कर्णाली प्रदेश अन्त्र्रगत मुगु जिल्लाको रारा बहुमुखी क्याम्पसको स्वतन्त्र विद्यार्थी युनियनको अध्यक्ष पदमा नेपाल विद्यार्थी संघकी जयलक्ष्मी रावल विजयी भएकी छन सोमबार सम्पन्न मतगणनाको परिणाम अनुसार जयलक्ष्मीले ७३ मत प्राप्त गरि बिजयी भएकी छ । उनका निकटतम प्रतिद्वन्द्वी अनेरास्ववियू अखिल क्रान्तिकारीका साझा उम्मेदवार रविन मल्लले ४८ मत प्राप्त गरि पराजित भएका छन ।

त्यसै गरि अध्यक्ष पदका स्वतन्त्र तर्फका उम्मेदवार सुशीलकुमार मल्लले १७ मत प्राप्त परेका छन । रारा बहुमुखी क्याम्पसमा नेबिसंघ जित प्राप्त भएको नेबिसंघका जिल्ला अध्यक्ष सोबिन्द्रबहादुर मल्लले बताए । मध्यपश्चिम विश्वविद्यालय अन्तर्गत रारा बहुमुखी क्याम्पसमा स्वतन्त्र विद्यार्थी युनियनको निर्वाचनमा नेबिसंघकी उम्मेदवार जयलक्ष्मी रावलले नेतृत्व गरेको नेबिसंघ प्यानललाई मतदान गरी अत्यधिक बहुमतले विजयी गराउन नेपाली कांग्रेस जिल्ला कार्य समिति मुगुले अनुरोध गरेको थियो । रारा बहुमुखी क्याम्पसको स्वतन्त्र बिधार्थी यूनियनको निर्बाचनमा नेबिसंघको प्यानललाई जिताउन पार्टीले महत्वपूर्ण भूमिका निर्बाह गरेको कार्यबाहक सभापति कर्णबहादुर रावलले बताउनु भयो । खत्याड स्थित चर्तुदेब क्याम्पसमा पनि नेबिसंघले जितेको छ । यो पटकको स्वतन्त्र बिधार्थी युनियनको निर्बाचनमा मुगुका २ वटै क्याम्पसमा नेबिसंघ जित्न सफल भएको नेबिसंघका जिल्ला अध्यक्ष मल्लको भनाई छ ।