काठमाडौ —काठमाडौ  महानगरपालिकाले आत्मदाहको प्रयास गरी निधन भएका मुगु सोरु गाउपालिका —१ का २५ बर्षिय गणेश नेपालीप्रति गहिरो दुःख व्यक्त गर्दै परिवारलाई सहयोग गर्ने घोषणा गरेको छ ।
महानगरले शुक्रबार  बिज्ञप्ती जारी गरि मृतकका परिवारलाई रोजगारी र बालबालिकालाई निःशुल्क शिक्षा दिने घोषणा गरेको छ ।

घटनाको निष्पक्ष छानबिनका लागि गठन हुने सरकारी समितिमा पूर्ण सहयोग गर्ने महानगरपालिकाले जनाएको छ ।
गणेश नेपालीका परिवारलाई काठमाडौं महानगरपालिकाको तर्फबाट मानवीय सहयोग, रोजगारी उपलब्ध गराउने तथा सन्तानलाई निःशुल्क शिक्षा दिने बिषयमा कार्यपालिकाको बैठकबाट निर्णय गरिने जनाएको छ । महानगरपालिकाले  यस संवेदनशील अवस्थामा संयमित रहन र धैर्य धारण गर्न सबै नागरिकलाई अपिल गरेको छ ।