काठमाडौ- पूर्वराजा ज्ञानेन्द्र शाह आज पोखरा बाट काठमाडौं फर्किने कार्यक्रम भएपछि उहाको समर्थकहरूले ’भव्य’ स्वागतको तयारी गरेसँगै सुरक्षा व्यवस्थामा कढााई गरिएको छ ।जिल्ला सुरक्षा समितिको बैठकमा लिएको निर्णय अनुसार विभिन्न सुरक्षा निकायका तर्फबाट सुरक्षाकर्मीहरूको परिचालन गरिने छ । सुरक्षा योजना अनुसार, नेपाल प्रहरीले काठमाडौंमा ‘आवश्यक’ संख्यामा फौज परिचालन गरिने भएको छ ।जिल्ला प्रहरी प्रमुख एसएसपी विश्व अधिकारीका अनुसार, कुनै पनि प्रकारको हुलहुज्जत, गैरकानूनी वा सामाजिक मर्यादाविपरीतका कार्यहरूलाई रोक्नका लागि विभिन्न युनिटका प्रहरी तैनाथ हुने छन ।काठमाडौं प्रहरीले त्रिभुवन अन्तर्राष्ट्रिय विमानस्थलदेखि महाराजगञ्जस्थित निर्मल निवाससम्मको क्षेत्रलाई उच्च सुरक्षा संवेदनशील मान्दै विशेष सुरक्षा व्यवस्था गर्नेछ। यस सुरक्षा व्यवस्थामा नेपाल प्रहरीसँगै नेपाली सेना, सशस्त्र प्रहरी र राष्ट्रिय अनुसन्धान विभागका टोलीहरू पनि समावेश गरिने भएको छ । जसको व्यवस्थापन जिल्ला प्रशासन कार्यालय काठमाडौंले गर्ने भएको छ । सुरक्षा संयन्त्रका चारवटै इकाइहरूको परिचालन गरिने भएको छ ।