काठमाडौँ —नेपाल सरकारका वन तथा वातावरण मन्त्री ऐनबहादुर शाही ठकुरी आइतबार कतार एयरवेजको जहाज बाट जर्मनी प्रस्थान गर्नु भएको छ ।राजधानी बर्लिनमा आयोजना हुने पिटर्सबर्ग क्लाइमेट डायलग–२०२५ को संवादमा सहभागी हुन वनमन्त्री शाही जर्मनी प्रस्थान गर्नु भएको निजी सचिवालयले जानकारी गराएको छ । सोही संवादका लागि जर्मन सरकारको विशेष निमन्त्रणामा मन्त्री पिटर्सबर्ग क्लाइमेट डायलगमा सहभागी हुन जर्मन जानु भएको छ । उक्त संवाद चैत १२ र १३ गते आयोजना हुनेछ ।
संवादमा विभिन्न देशका करिब ४० जना मन्त्री सहभागी हुने छन । चैत १५ गते मन्त्री शाही स्वदेश फर्किने कार्यक्रम रहेको छ ।