काठमाडौ —भारत भ्रमणमा रहनुभएका वन तथा वातावरणमन्त्री ऐनबहादुर शाही ठकुरी र ब्राजिलका वातावरण तथा जलवायु परिवर्तन मन्त्री मारिना सिल्भाबीच भेटावार्ता भएको छ ।नयाँदिल्लीमा भएको भेटमा उहाँहरुबीच द्विपक्षीय आपसी हितका विविध विषयमा छलफल भएको मन्त्री शाहीको सचिवालयले जनाएको छ । सो अवसरमा मन्त्री शाहीले आगामी वर्ष ब्राजिलमा हुने जलवायु परिवर्तनसम्बन्धी अन्तर्राष्ट्रिय सम्मेलन ९कोप–३० को सफलताका लागि सहकार्य गर्न सकिने विषयमा छलफल गर्नुभएको थियो । त्यस्तै उहाँले आगामी २ देखि ४ गतेसम्म काठमाडौँमा हुने सगरमाथा संवाद कार्यक्रममा मन्त्री सिल्भालाई निमन्त्रणा गर्नुका साथै सहकार्य गर्न सकिने जलवायुका मुद्दाका बारेमा छलफल गर्नुभएको थियो ।मन्त्री शाही ‘विश्व दिगो सम्मेलन’मा सहभागी हुन यही फागुन २० गते नयाँदिल्ली प्रस्थान गर्नुभएको थियो । उहाँ फागुन २४ गते स्वदेश फर्कने तालिका छ ।