मुगु —नेपाली कांग्रेस केन्द्रीय कार्यसमिति बैठक आज बस्ने भएको छ । उक्त बैठक पार्टी केन्द्रीय कार्यालय सानेपामा दिउँसो एक बजे बस्ने कांग्रेसले जनाएको छ । गत असोज २८ गतेबाट सुरु भएको कांग्रेस केन्द्रीय कार्यसमिति बैठक महाधिबेस बिबादका कारण अझै सकिएको छैन । महाधिवेशन कहिले गर्ने भन्ने विवाद टुंगो नलाग्दा केन्द्रीय समितिको बैठक लम्बिदै गएको छ । अनौपचारिक छलफल गरी सहमतिको प्रयास गर्ने भन्दै पटक पटक बैठक सार्ने काम गरिएको छ ।पार्टीको १५ औँ महाधिवेशन प्रतिनिधिसभा निर्वाचन अगाडि गर्ने कि पछाडि गर्ने भन्ने विवाद मिलाउन पदाधिकारीहरू छलफल गरिरहेका छन ।
कार्यवाहक सभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मा लगायतका पदाधिकारीले विवादको निरूपण गर्न मध्यमार्गी बाटोबाट सहमति जुटाउने प्रयासमा लागेको श्रोतले जनाएको छ ।