काठमाडौ —नेपाल पत्रकार महासंघकी अध्यक्ष निर्मला शर्माले विश्व प्रेस स्वतन्त्रता दिवसका अवसरमा शुभकामना दिँदै नेपालमा प्रेस स्वतन्त्रता चुनौतीपूर्ण बनेको भन्दै चिन्ता गरेकी छन । विश्व प्रेस स्वतन्त्रता दिवसको अवसरमा सम्पूर्ण श्रमजीवी पत्रकार, व्यावसायिक सञ्चारगृहहरू तथा विचार र अभिव्यक्ति स्वतन्त्रता पक्षधर जनसमुदायमा शुभकामना व्यक्त गर्दै महासंघ अध्यक्ष शर्मा यस्तो बताएकी हुन
महासंघ अध्यक्ष शर्माका अनुसार पत्रकारविरुद्धका अपराधमा दण्डहीनता, सञ्चारगृहको आर्थिक सङ्कट र भौतिक सुरक्षाको जोखिमले गर्दा अवस्था पेचिलो बनेको छ । लोकतान्त्रिक संविधानको एक दशकपछि पनि स्वतन्त्रता हननका घटना बढ्नु गम्भीर विषय भएको बताएकी छन । इतिहासदेखि नै प्रेस तथा अभिव्यक्ति स्वतन्त्रतामाथि राज्यका कुनै अङ्ग, तह वा अरू कुनै सङ्गठित र असङ्गठित क्षेत्रबाट सङ्कुचन वा नियन्त्रण गर्ने प्रयास भए पनि प्रेस जगतले सशक्त प्रतिवाद गर्दै आएको उहाको भनाई छ । सन् १९९३ देखि मे ३ मा मनाउन थालिएको यो दिवसको यस वर्षको नारा ‘शान्तिपूर्ण भविष्यको निर्माणका लागि प्रेस स्वतन्त्रता प्रवद्र्धन’ रहेको र स्वतन्त्रता रक्षाका लागि नागरिक समाज र पेसागत सङ्गठनसँग ऐक्यबद्धताको आह्वान समेत गरेकी छन ।