बिराटनगर—कोशी प्रदेश सरकारको आयोजनामा आजदेखि औद्योगिक नगरी विराटनगरमा अन्तरप्रदेश मुख्यमन्त्री सम्मेलन प्रारम्भ भएको छ।

सम्मेलनमा सहभागी हुन विभिन्न प्रदेशका मुख्यमन्त्री तथा प्रतिनिधिहरूको टोली विराटनगर पुगि सकेका छन । मधेश प्रदेशका मुख्यमन्त्री कृष्णप्रसाद यादव, बागमतीका मुख्यमन्त्री किरण थापामगर, गण्डकीका मुख्यमन्त्री सुरेन्द्रराज पाण्डे, लुम्बिनीका मुख्यमन्त्री चेतनारायण आचार्य र कर्णालीका मुख्यमन्त्री मंगलबहादुर शाही सम्मेलन स्थल पुगिसक्नु भएको छ । बिराटनगरमा आयोजित अन्तर प्रदेश मुख्यमन्त्री सम्मेलनमा सहभागी भएको कर्णाली प्रदेशका मुख्यमन्त्री मंगलबहादुर शाहीले बताउनु भयो ।

सम्मेलनमा केवल मुख्यमन्त्रीहरूको मात्र उपस्थिति छैन, यहाँ नीति र कानुन निर्माणका मुख्य संवाहकहरूको टोली नै जुटेको छ। प्रत्येक प्रदेशबाट मुख्यमन्त्रीका साथै प्रमुख सचिव, प्रदेश योजना आयोगका उपाध्यक्ष र मुख्यन्यायाधिवक्तासहितको प्राविधिक तथा प्रशासनिक टोली सहभागी छ।
यसले सम्मेलनलाई केवल राजनीतिक भेटघाटमा मात्र सीमित नराखी नीतिगत र कानुनी रूपमा परिपक्व बनाउने अपेक्षा गरिएको छ।