क्याराभान संवाददाता
मुगु—४७ बर्षिय गुरु स्याङग्याप लामाले आफनै गाउँमा चौरी पालेर आम्दानी गर्न थालेका छन । मुगुम कार्मारोङ गाउँपालिका—५ दाउरा गाउँका उनी अरु ब्याबसाय त्यागेर ब्याबसायिक रुपमा चौरी पालन तर्फ होमिएका छन । आफनो जन्मथालो छोडेर बिदेशी भूमिका कर्म गर्न जाने युवाको संख्या धेरै भएपनि लामाले आफनै दुर्गम गाउ“मा चौरी पालेर मनग्य आम्दानी गर्नतिर खटिएका छन । करिव ५ बर्ष अघि २२ वटा चौरी बाट ब्याबसाय सुरु गरेका लामाले अहिले ४५ बढी चौरीमा गोठाला बनेका छन । उनलाई जडिबुटी, खुद्राब्यापार प्रति कुनै सोच छैन ।

बर्खातिर उच्च हिमाली खर्क र हिउदा बेशीतिर चौरीको रेखदेख नुन पानी औषधि उपचार गर्दै लामाको दिन बित्ने गरेको छ । दुरिजमको आकर्षण मानिने चौरी पालन प्रति मेरो ध्यान गयो लामाले भने २२ वटा चौरी बाट सुरु गरेको ब्याबसाय अहिले ४५ बढी चौरी गोठमा छन । अरु गाउ“लेले अचेल चौरी पाल्न छोडिसके उनले भने तर मैले ब्याबसायिक रुपमै चौरी पालन गरेको छु । गत बर्ष प्रति चौरी ५७ हजारका दरले १८ वटा चौरी बेचे लामाले सुनाए । दुई बर्ष अघि पनि ५ वटा चौरी सोही मुल्यका दरमा बिक्री गरेको उनको भनाई छ । चौरी उत्पादन संगै बिक्री गर्न सके जीवन निर्बाहमा सहज हुने उनी बताउछन ।

लामाका अनुसार कुनै पनि ब्याबसाय ब्याबसायिक रुपमा गर्दा कहिले लाभ होला कहिले घाटा होला । अबको दुई तीन बर्ष भित्र सय भन्दा बढी चौरी उत्पादन गर्ने मेरो सोच रहेको उनी सुनाउछन । चैत महिना देखि कार्तिक समान्त सम्म चौरी लेकतिर चर्न जाने र मंसिर देखि फागुन सम्म बेशीतिर चर्ने गरेका छन । बेला बखत चौरीलाई औषधि उपचार पानीको ब्याबस्था गरि रहनु पर्ने लामाको भनाई छ । लामाले भने चार बर्ष पुरा भएपछि चौरी ब्याउने र एउटा मात्र बच्चा जन्माउने गर्छन । पहिले यहा“को चौरी तिब्बत तिर बिक्री हुन्थ्यो गत बर्ष देखि तिब्बतले नेपालमा खोरेत रोगको समस्या देखाएर बिक्रीमा रोक लगाएको लामाले बताए ।

उनले भने तिब्बतले बिक्रीमा रोक लगाएर पनि नेपालमै राम्रो बिक्री हुन्छ । मुगुम कार्मारोङ गाउपालिकाको माथिल्लो बन क्षेत्र चौरी पालनको अति उपयुक्त मानिएको छ । फराकिला बुटी पाटन स—साना झारी पानीका खोला मुहान प्रसस्त रहेको हुदा चौरी पालन राम्रो मानिएको छ । मुगुम कार्मारोङ गाउ“पालिकाको डोल्फू र मुगु गाउका स्थानीय जनजातिले पनि चौरी पालन गरेका छन । बसाई सराईको असरले बिगत जस्तै प्रत्येक घरमा चौरी पालन नभएपनि केही स्थानीयले आफनो पुख्र्यौली पेसा चौरी पालन निरन्तरता दिएको मुगुम कार्मारोङ गाउपालिकाका अध्यक्ष छिरिङक्याप्ने लामाले बताउनु भयो ।