मुगु—मुगु कार्मारोङ गाउँपालिका–२ मुगुम गाउँमा चिटिम शैलीको पुल निर्माण गरिएको छ । समुद्री सतह देखि करिव ३३ सय मिटर उचाईमा रहेको तिब्बत सिमा क्षेत्र संग जोडिएको मुगु गाउँमा चिटिम शैली पुल निर्माणले समुदाय निकै हर्षित भएका छन । रिकिका ब्रकनर लामा ठिन्ले कारुन फाउण्डेसनका अध्यक्ष ठिन्ले लामाको ४१ लाख ६७ हजार ७ सय लगानीमा बौध धार्मिक कलात्मक  शैलीको अनौठो  पुल निर्माण गरिएको छ ।

चिटिम शैलीको यो पुल भौतिक संरचना मात्र नभई लोपहुदै गएका पुख्र्यौली सांस्कृतिक धरोहरलाई पुर्नजीवितगर्न अनौठो पुल बनेको स्थानीय लामा समुदायको भनाई छ । उक्त पुल निर्माण गर्न लामा समुदायले आफनो सिप प्रबिधिको प्रयोग गरेका छन । टाढा बाट हेर्दा यो पुल बौद्ध धार्मिक मन्दिर जस्तो देखिने गरेको छ । दुर्गम र बिकटताले बिकासमा पछि परेका मुगु गाउका स्थानीय फाण्उडेसनले पुल निर्माण गरेपछि लामा समुदायको मुहारमा खुशी छाएको छ । फाउडेसनका अध्यक्ष ठिन्ले लामा भन्छन सडक विस्तार गाउँबस्ती चिटिम हराउँदै जान थालेपछि परम्परालाई सुरक्षित गर्ने उद्देश्यले पुल बनाउनुपरेको हो छ ।

भौतिक बिकास संगै परम्रागत पुख्र्यौली चिटिम गुम्बाहरुको संरक्षण र प्रर्बद्धन गर्न फाउण्डेसनको भूमिका रहेको उनको भनाई छअध्यक्ष ठिल्ले लामाका अनुसार मुगुम गाउँमा बनेको यो पुल सिमित बिकास मात्र नभई आन्तरिक तथा बाह्य पर्यटकको निम्ति आक्रर्षण बन्न सक्ने अपेक्षा गरिएको छ ।

स्थानीय सोनाम गिर्मे लामाका अनुसार चिटिम शैलीको यो पुलले धार्मिक पर्यटन, देवभूमि प्रवेश तथा स्थानीय आवत जावत गर्न सुबिधा भएको छ । मुगुम कार्मारोङ गाउँपालिका अध्यक्ष छिरिङ क्याप्ने लामा भन्छन चिटिम पुल कर्णालीमा कतै छैन यहा मात्र बनेको छन । यो पुल बौद्ध धार्मिकको पहिचालको प्रतिक भएको अध्यक्षले बताए । यो पुल निर्माणमा सहयोग गर्ने समुदाय र ठिल्ले लामालाई अध्यक्ष लामाले धन्यबाद समेत दिए । मुगु गाउँमा चिटिम शैलीको पुल निर्माण भएपछि स्थानीय र चौपाय बस्तुलाई नदी वारपार गर्न सहज भएको छ । मुगु गाउमा बिकास निर्माण गर्न खरिद समाग्री भन्दा दोब्बर ढुवानी रकम खर्च हुने गरेको छ । त्यहा निर्माण समाग्री लैजान खच्चर प्रयोग गर्ने गरिएको छ । मुगु गाउमा मोटर बाटो नपुग्दा स्थानीयलाई बिकास निर्माण गर्न खाद्यन्न ढुवानी गर्न कठिनाई भोग्नु परेको पालिका अध्यक्ष लामाको भनाई छ । जिल्ला सदरमुकाम गमगढी हुदै मुगु गाउ भएर तिब्बत जोडने सडक निर्माण कार्य भइ रहेको भएपनि गति लिन अझै नसकेको स्थानीयको गुनासो छ ।