मुगु—हिमाली जिल्ला मुगु र डोल्पाको उच्च भेगतर्फ हिमपात भएको छ । मौसममा बदलिई भई मुगु र डोल्पामा माथिल्लो भेगतिर हिमपात भएको हो । मुगु जिल्लाको मुगुम कार्मारोङ गाउपालिकाको मुगु, चितै, डोल्फू, किम्री, कार्ति, छायानाथ क्षेत्र, रिमार लगायत क्षेत्रमा बर्षासंगै हिमपात भएको छ ।

मुगुम कार्मारोङ गाउपालिकाको माथिल्लो हिमाली बस्तीमा बर्षासंगै हिमपात भएको गाउ“पालिकाका अध्यक्ष छिरिङक्याप्ने लामाले जानकारी गराए । बेशीतिर बर्षा र माथिल्लो बस्तीमा हिमपात हुदा जाडो बढेको उनको भनाई छ । बिगत बर्षहरुमा पुस, माघतिर भारी हिमपात हुन्थ्यो भने गत बर्ष देखि कार्तिक महिनामै हिमपात हुन थालेको अध्यक्ष लामाको भनाई छ । मुगुम कार्मारोङ गाउपालिकाको माथिल्लो बस्तीमा हिमपातका कारण जाडो बढेपछि त्यहाका आदिबासी जनजाति स्थानीय ५ महिनाको लागि बेशी झर्न सुरसार गर्न थालेका छन । हिमपातका कारण डा“डापाखा पखेरा रुख हिमाल सेताम्य भएका छन ।

त्यसै गरि डोल्पाको उत्तरी भेगमा पनि भारी हिमपात भएको छ । उपल्लो डोल्पामा पर्ने डोल्पोबुद्ध सहित शे—फोक्सुण्डो, छार्काताङसोङ गाउपालिकामा हिमपात भएको डोल्पोबुद्ध गाउ“पालिकाका उपाध्यक्ष पेम्मा धोर्चे गुरुङले बताए । हिमपातका कारण शे—फोक्सुण्डो ताल क्षेत्र घुम्न आउने आन्तरिक तथा बाह्य पर्यटक प्रभावित भएका छन ।